«Байгалийн нөөц, Технологи» Докторын (Ph.D.) хөтөлбөр
МГТИС-ийн докторын хөтөлбөр нь бие даасан, шинжлэх ухааны шинэлэг үр дүнд чиглэсэн судалгааны ажилд суурилна. Докторант нь МГТИС-ийн үндсэн профессорын удирдлага дор диссертацийн судалгаагаа гүйцэтгэж, хамгаална. Хөтөлбөр нь Монгол Улсын байгалийн нөөцийг ухаалаг, тогтвортой ашиглах, үйлдвэрлэлийн технологийг шинэчлэхэд хувь нэмэр оруулах өндөр түвшний судлаач, багш, мэргэжилтэн бэлтгэхийг зорьдог.

Хөтөлбөрийн товч мэдээлэл

Судалгааны чиглэл
Докторын судалгааг МГТИС-ийн факультет, лабораториудын үндсэн чиглэлтэй уялдуулан гүйцэтгэнэ. Жишээ нь:
• Эрдэс баялаг, боловсруулалтын инженерчлэл
• Механик ба мехатроник инженерчлэл
• Хүрээлэн буй орчны инженерчлэл
• Үйлдвэрлэлийн инженерчлэл
• Эрчим хүч, цахилгааны инженерчлэл

Хөтөлбөрийн онцлог
• Хувь хүнд тохирсон удирдлага — үндсэн профессорын шууд удирдлага, тогтмол зөвлөгөө
• Олон улсын хамтын ажиллагаа — Герман болон олон улсын түнш их сургууль, судалгааны төслүүдэд оролцох боломж
• Аж үйлдвэртэй холбоотой судалгаа — бодит салбарын асуудалд суурилсан сэдэв
• Олон улсад хүлээн зөвшөөрөгдөх судалгааны үр дүн — эрдэм шинжилгээний сэтгүүлд өгүүлэл нийтлэх, олон улсын хуралд илтгэх
Элсэх алхам
1. Сонирхож буй судалгааны чиглэлээрээ МГТИС-ийн профессортой холбогдож, удирдагч болохыг тохирох
2. Судалгааны төлөвлөгөө (research proposal) бэлтгэх
3. Элсэлтийн бүртгэлд шаардлагатай материалаа илгээх
4. Элсэлтийн ярилцлагад орох